काठमाडौं, ६ असोज – नेपाल क्रिकेट संघ (क्यान)का नयाँ कार्यसमितीका पदाधिकारीहरुले पहिलो पटक चितवनमा बनिरहेको गौतमबुद्ध अन्तराष्ट्रिय क्रिकेट रंगशालाको निरिक्षण गरेका छन ।
चितवनमा क्यानको कार्यसमितीको बैठक बस्ने क्रममा मंगलबार विहान पदाधिकारीहरु गौतमबुद्ध अन्तराष्ट्रिय क्रिकेट मैदानको भ्रमण गरेका हुन ।
करिव तीन अर्वको लगानी रहेको रंगशालाको प्याराफिटको बेस तयार भैसकेको छ । भ्रमण रहेका पदाधिकारीहरु लाइ सिताराम कट्टेल (धुर्मुस)ले रंगशाला निर्माणको कामका बारेमा जानकारी दिएका थिए । त्यस क्रममा क्यानका पदाधिकारीहरुले पनि रंगशाला निर्माणमा सक्ने सहयोग गर्ने बताएका थिए । देश तथा बिदेशमा रहेका नेपालीहरुको लगानी रहेको यो रंगशालालाई धुर्मुस सुन्तली फाउन्डेसनले बनाउँदै छ ।
क्यानको अध्यक्ष चयन भएपछि केहि महिना अगाडी चतुरबहादुर चन्दले पनि गौतमबुद्ध अन्तराष्ट्रिय क्रिकेट मैदानको निरिक्षण गरेका थिए ।